Star Kosmetoloji mərkəzlə bağlı yazılanların heç bir əsası yoxdur

Tarix: 19-08-2025, 09:45

 Star Kosmetoloji mərkəz saytlarda gedən xoşagəlməz yazılarla bağlı açıqlama verib. Həmin açıqlamanı olduğu kimi təqdim edirik.
Mərkəzimizin fəaliyyəti ilə bağlı bəzi media orqanlarında və sosial şəbəkələrdə yayılan, guya qeyri-rəsmi yollarla ölkəyə kosmetoloji məhsullar, o cümlədən saxta botoks vasitələrinin gətirilməsi və satışı ilə məşğul olduğumuz barədə iddialar tamamilə əsassızdır və həqiqəti əks etdirmir.

Qeyd edirik ki, mərkəzimiz yalnız qanunvericiliyə uyğun şəkildə, rəsmi qeydiyyatdan keçmiş və Səhiyyə Nazirliyi tərəfindən idxalına icazə verilmiş tibbi vasitələrdən istifadə edir. Hər zaman pasiyentlərin sağlamlığı və təhlükəsizliyi əsas prioritetimiz olmuşdur və olacaqdır.

Barəmizdə yayılan bu cür dezinformasiyalar və qarayaxma kampaniyaları mərkəzimizin nüfuzuna xələl gətirmək məqsədi daşıyır. İctimaiyyətə çatdırırıq ki, bu iddialar əsassızdır və hüquqi maraqlarımızı qorumaq üçün zəruri addımlar atmaq hüququmuzu saxlayırıq.

Xalqxeber.Az