Son Xəbər: Daxili qoşunların komandanını Prezident vəzifəyə təyin edəcək, Sabah Sabunçu və Xətai rayonlarında qaz olmayacaq, Aktauda AZAL təyyarəsi qəzasının qurbanlarının xatirəsi anılıb, ANAMA Xocalıya köçən sakinlərə maarifləndirmə tədbiri keçib, TÜRKPA AZAL təyyarəsinin qəzaya uğramasının ildönümü ilə bağlı başsağlığı verib, Arkadi Qukasyan Ermənistan vətəndaşlarının məhkəməsində son sözünü deyir, Azərbaycan idmançıları və idman mütəxəssisləri təltif edilib - SİYAHI, Şagird və tələbələr arasında statistika üzrə olimpiada keçiriləcək, Tacikistan "Taliban"dan sərhəddə silahlı hücuma görə üzr istəməsini tələb edir - YENİLƏNİB, Qaradağda iki nəfərin öldüyü avtobus qəzası ilə bağlı cinayət işi başlanılıb - YENİLƏNİB,

Məhkəmə qərar verdi: Lider TV-nin taleyi… - MTRŞ

Tarix: 10-09-2020, 15:30

Lider TV və Radio Azərbaycan MMC-nin müflis elan olunması haqqında məhkəmənin qanuni qüvvəyə minmiş qətnaməsi olmadığından Lider TV-nin lisenziyası qüvvədədir və kanal fəaliyyətini davam etdirir.
Bu sözləri Kult.az-a açıqlamasında MTRŞ sədrinin köməkçisi Fazil Novruzov Lider TV-nin Apellyasiya Məhkəməsinin qərarından sonra hansı şəkildə fəaliyyət göstərməsi barədə danışarkən deyib.
Onun sözlərinə görə, Lider TV Milli Televiziya və Radio Şurasından aldığı lisenziya əsasında fəaliyyət göstərir:
“Lisenziyaya xitam verilməsə, kanal fəaliyyətini dayandıra bilməz. Məhkəmə prosesinin qanuni qüvvəyə minmiş hökmü olmadan Milli Televiziya və Radio Şurası Lider TV-nin fəaliyyəti ilə bağlı lisenziyaya xitam verilməsi məsələsinə baxmayacaq. Məhkəmənin qanuni qüvvəyə minmiş hökmü olmalıdır. Belə bir qərar təqdim edilərsə, bundan sonra MTRŞ-da bu məsələ qaldırıla bilər”.
Qeyd edək ki, Bakı Kommersiya Məhkəməsi Nəqliyyat, Rabitə və Yüksək Texnologiyalar Nazirliyinin “Radio-Televiziya Yayımı və Peyk Rabitəsi” İstehsalat Birliyinin iddiasına əsasən “Lider TV və Radio-Azərbaycan” MMC-nin müflis elan edilməsi və əmlak inzibatçısının təyin edilməsi ilə bağlı qərar çıxarıb.
Apellyasiya məhkəməsi isə qərarı qüvvədə saxlayıb.