Son Xəbər: FHN-in polkovnik-leytenantı qəfil vəfat etdi, Azərbaycan gələn il bu ölkədə səfirlik açacaq, Bakıda “Rus evi”nin bağlanmasının səbəbi AÇIQLANDI, Ədliyyə Nazirliyi Ana Vətən Partiyasının müraciətinə CAVAB VERDİ, Ceyhun Bayramov: Bu il Ermənistanla sülh prosesində böyük irəliləyiş əldə olunub, Suriyada məsciddə partlayış törədilib, ölənlər və yaralananlar var, Ermənistan vətəndaşlarının məhkəməsi: Davit İşxanyan son söz deyir, Ermənistan MN-in vəzifəli şəxsləri irimiqyaslı mənimsəmədə ittiham olunurlar, "Valideyn himayəsindən məhrum olmuş uşaq" adı altında vahid anlayışdan istifadə olunması təklifi son oxunuşda qəbul edilib, Yol polisi həftəsonu səfərə hazırlaşanlara xəbərdarlıq edib,

Aqrar Sığorta Fondu Türkiyənin “Türk Re” şirkəti ilə razılıq əldə edilib

Tarix: 24-11-2020, 21:46

Aqrar Sığorta Fondunun nümayəndələri Türkiyədə səfərdə olub.

Fonddan verilən məlumata əsasən, nümayəndə heyəti aqrar sığorta sahəsində əməkdaşlıq məsələlərini müzakirə etmək üçün İstanbul şəhərində səfərdə olublar.

Səfər zamanı nümayəndə heyəti Türkiyə Cümhuriyyətinin Kənd Təsərrüfatı Sığortaları sistemi TARSİM-də, eləcə də “Türk Re” dövlət təkrar sığorta qurumu və başqa təşkilatlarda görüşlər keçirib.

Görüşlərdə aqrar sığorta sahəsində təcrübə mübadiləsi, təkrar sığorta risklərinin ötürülməsi ilə bağlı tariflər və digər məsələlər müzakirə edilib.

Müzakirələrin nəticəsi olaraq Türkiyənin “Türk Re” dövlət şirkətinin Azərbaycanda aqrar sığorta risklərinin yerləşdirilməsi üzrə müqavilədə iştirak etməsi ilə bağlı razılıq əldə edilib.

Xatırladaq ki, Azərbaycanca kənd təsərrüfatı risklərini dövlətin dəstəyi ilə güzəştli şərtlərlə sığortalamağa imkan verən aqrar sığorta sistemi Türkiyənin dəstəyi və TARSİM sisteminin uğurlu təcrübəsindən istifadə edilməklə yaradılıb və noyabrın ayının əvvəlindən fəaliyyətə başlayıb.

İlk aqrar sığorta müqaviləsi noyabrın 3-də cəbhə bölgəsi olan Tərtər rayonunda Türkiyənin Kənd Təsərrüfatı Nazirliyinin və TARSİM təşkilatının rəhbərliyinin iştirakı ilə imzalanıb.