Son Xəbər: Sabah Azərbaycanda 35 dərəcə isti olacaq, DYP kənd təsərrüfatı sahəsində çalışan hüquqi və fiziki şəxslərə müraciət edib, Lisey və gimnaziyalara qəbul imtahanının nəticələri açıqlanıb, İsveç Ukraynaya əlavə 16 Gripen qırıcısını təmənnasız verəcək, Azərbaycanda evliliyə mane olan səbəb tapıldı: bahalı cehizlər, NATO toplantısının bugünkü PROQRAMI, Çempionlar Liqasında 1-ci təsnifat mərhələsi - NƏTİCƏLƏR, Qurbanqulu Berdiməhəmmədov "Dostlug" tankerinə görə Azərbaycana təşəkkür edib, Türkiyədə sərnişin avtobusu qəzaya uğrayıb, 15 nəfər xəsarət alıb, Azərbaycanda dövlət suverenliyi tam bərpa edildikdən sonra ilk dəfə əhalinin siyahıyaalınması keçiriləcək,

İranda prezident seçkilərinə qeydiyyat başladı

Tarix: 11-05-2021, 18:52

İranda qarşıdakı, 13-cü prezident seçkiləri üçün namizəd olaraq qeydiyyatdan keçmək istəyənlərin müraciətlərinin qəbulu başlayıb.

Bu barədə Press TV xəbər yayır.

Namizədlər siyahısına daxil olmaq üçün 15 may tarixinə qədər lazımi sənədlər təqdim edilməlidir.

Qanuna görə, onların namizədliyi 5-10 gün ərzində İran Konstitusiyasının Qəyyumlar Şurası tərəfindən təsdiqlənməlidir. Seçkilərdə iştirak etmək üçün şuranın qəbul etdiyi namizədlərin siyahısı 26-27 may tarixlərində açıqlanacaq.

Müraciət edənlər arasında keçmiş Müdafiə naziri Hüseyn Dehqan, keçmiş Rabitə və İnformasiya Texnologiyaları naziri Məhəmməd Həsən Nami, habelə İslam İnqilabı Keşikçiləri Korpusunun (IRGC, İran Silahlı Qüvvələrinin elit bölmələri) Baş Komandanının müşaviri Səid Məhəmməd də var.

İranda prezident seçkiləri 18 iyuna təyin edilib. Hazırkı Prezident Həsən Ruhani ardıcıl ikinci dövr vəzifəsində olduğu üçün seçki kampaniyasında iştirak edə bilməz.