Rusiya Prezidenti Vladimir Putin Ramazan bayramı ilə əlaqədar müsəlmanlara müraciət edib.
Bu barədə RT xəbər yayıb.
“Mən Dağıstan Respublikasında bu bayrama necə münasibət bəslədiklərini, ənənələri necə qoruduqlarını bilirəm. İlahiyyatçıların bu dövrdə inanclılardan bayramı evdə qeyd etmək, kollektiv ibadətdən və dostlarla böyük kampaniyalar şəklində toplaşmaq ənənəsindən çəkinməyə çağırdıqlarından da xəbərim var. Ümidvaram ki, bu nüfuzlu sözlər mütləq eşidiləcək”, - deyə V.Putin Dağıstan rəhbərliyi və ictimaiyyət nümayəndələri ilə videokonfrans zamanı söyləyib.
Qeyd edək ki, Rusiya Prezidenti ilə onlayn müzakirələrdə Dağıstan müftisi Əhməd Hacı Abdullayev də iştirak edib.