Yaponiyada sel və daşqın səbəbindən 1,3 milyon nəfər təxliyyə edilir

Tarix: 8-07-2020, 10:09

Yaponiya hökuməti Fukuoka, Kumamoto, Naqasaki və Oita prefekturalarında yaşayan təxminən 1,3 milyon sakini sel və daşqından qorumaq məqsədilə təxliyyə etməyi planlaşdırır.

Bu barədə Yaponiyanın NHK telekanalı məlumat yayıb.

Qeyd edək ki, Yaponiyada iyulun 4-dən başlayaraq təbii fəlakət nəticəsində 52 nəfər ölüb, 12 nəfər itkin düşüb.

Təbii fəlakətin nəticələrini aradan qaldırmaq üçün bölgəyə 10 min hərbçi cəlb olunub.