Gürcüstanda yol-nəqliyyat hadisəsi zamanı həyatını itirən 17 nəfərin xatirəsi anılır.
Hökumətin mətbuat xidmətindən verilən məlumata görə, 17 nəfərin öldüyü Şatili yolunda baş verən faciə ilə əlaqədar 25 avqust Gürcüstanda matəm günü elan edilib.
Ölkənin bütün inzibati binalarında dövlət bayrağı endiriləcək.
Müvafiq əmri bu gün Gürcüstanın Baş naziri Georgi Qaxaria imzalayıb.
Xatırladaq ki, dünən axşam Duşeti bələdiyyəsinin ərazisində Şatili kəndinə gedən yolda baş verən avtomobil qəzasında 17 nəfər ölüb.
80 metr yüksəklikdən uçuruma düşən mikroavtobusun üç sərnişini sağ qalıb. Həkimlərin dediyinə görə, zərərçəkənlərin vəziyyəti ağırdır.