Neftçalada kişi qohumunu bıçaqladı

Tarix: 18-12-2020, 11:04

Ötən gecə Neftçalada bıçaqlanma hadisəsi baş verib.

Publika.az xəbər verir ki, rayonun Qaraqaşlı kəndində 1975-ci il təvəllüdlü Qədirov Vüqar Eldar oğlu qohumu, 1972-ci il təvəllüdlü Bağırov Ceyhun Nuhu oğluna bıçaqla xəsarət yetirib.

Məlumata görə, hadisə Ceyhun Bağırovun evində baş verib. Qohumlar arasında yaranan mübahisə münaqişəyə çevrilib və Vüqar bıçaqla Ceyhunun döş qəfəsinə zərbə endirib. İkinci ağır vəziyyətdə xəstəxanaya çatdırılıb.

Faktla bağlı cinayət işi açılıb, araşdırma aparılır.