Son Xəbər: Babək Quliyev UEFA-dan növbəti təyinat alıb, Qazaxıstanda qəzaya uğrayan təyyarəmizə abidə ucaldılacaq, London COP29-da iqlim dəyişikliyi ilə mübarizədə töhfəyə görə Bakıya təşəkkür edib, Arsenala qəbul edilən bu raket ilk dəfə paradda göstərildi, Azərbaycan Türkiyədən taxıl və paxlalı idxalına çəkdiyi xərci 6 %-ə yaxın artırıb, Paşinyan Ermənistan ordusunun rəhbər heyəti ilə müşavirə keçirib, Karapetyan “Ermənistan Elektrik Şəbəkələri”ni idarə etməkdən məhrum edilə bilər, İslam Oyunları: Azərbaycan millisi yarımfinalda məğlub olub, Tusk: Ukraynanın müharibəni uduzması üçün obyektiv səbəb yoxdur, Sabah 24 dərəcə isti olacaq - PROQNOZ,

Çavuşoğlu: “Yunanıstanla görüşmək üçün Avropa İttifaqına ehtiyacımız yoxdur”

Tarix: 15-04-2021, 12:37

Türkiyə Xarici İşlər naziri Mövlud Çavuşoğlu Türkiyənin Yunanıstanla münasibətləri barədə açıqlamalar verib.

Bu barədə türkiyəli nazir NTV kanalına müsahibəsində bildirib.

“Yunanıstanla beş ildir mövcud olan mexanizmləri işlədə bilmədik. Siyasi məsləhətləşmələr apara bilmədik. Bunları Yunanıstanın məsələyə mənfi münasibəti səbəbindən edə bilmədik. Kəşfiyyat danışıqları dayandırıldı. Ardından Şərqi Aralıq dənizində Türkiyəni kənarlaşdırma siyasətindən sonra əlaqələr gərginləşdi. Avropa İttifaqı (Aİ) və fərqli ölkələr məsələyə daxil oldu”.

Çavuşoğlu vurğulayıb ki, biz Yunanıstanla birlikdə masaya oturmağa hazırıq.

“Yunanıstanla danışıqlarımız bu yaxınlarda yenidən başladı. Bu ölkənin Xarici İşlər naziri Nikos Dendiası bu gün Ankarada qonaq edəcəyik. Onunla səmimi bir atmosferdə görüşməyi planlaşdırırıq. Yunanıstanla dialoq və yüksək səviyyəli səfərlər çox vacib məqamdır. Yunanıstanla görüşmək üçün Aİ-yə və ya digər ölkələrə ehtiyacımız yoxdur. Bu ölkə ilə razılaşa bilməyəcəyimiz məsələlər də var. Bunlar haqqında açıq danışmalıyıq”, - deyə Çavuşoğlu bildirib.