Ermənistanda asılmış əsgər meyiti aşkarlandı

Tarix: 14-05-2021, 20:10

Ermənistan Silahlı Qüvvələrinin müddətli hərbi qulluqçusu Roman Qrişaeviç Baqdasaryanın (2002-ci il təvəllüdlü) cəsədi tapılıb.

Bu barədə Ermənistan Müdafiə Nazirliyinin mətbuat xidməti məlumat yayıb.

Baqdasaryanın ölümü faktı ilə bağlı onun əsgər yoldaşı həbs olunub.

Bağdasaryanın meyitinin 14 may saat 07:00-da asılmış vəziyyətdə tapıldığı qeyd olunur. Faktla bağlı araşdırma aparılır.

O, 2020-ci ildə Ararat hərbi qeydiyyat komissiyasından orduya çağırılıb.