Rusiyada quş qripi yayıldı

Tarix: 14-08-2020, 14:07

Rusiyanın Omsk vilayətinin üç rayonunda quş qripi xəstəliyi aşkarlanıb.

Bu barədə “Rosselxoznadzor” məlumat yayıb.

Yaşayış məntəqələrində karantin tətbiq ediləcəyi bildirilir.

Yoluxmuş quşlar məhv ediləcək, fermerlər kompensasiya alacaqlar.

İnfeksiyanın səbəbi qeyd edilmir.

Rusiyada quş qripi bu il ilk dəfə avqustun əvvəllərində Çelyabinsk vilayətində aşkarlanıb.

Yüksək patogenli quş qripi tənəffüs yolları və mədə-bağırsaq traktına təsir edən kənd təsərrüfatı və vəhşi quşların kəskin virus xəstəliyidir.