Cəzaçəkmə müəssisələrində koronavirusdan ölən olub?

Tarix: 25-01-2021, 13:54

“Cəzaçəkmə müəssisələrində məhkumların 96 faizi koronavirusa görə testdən keçirilib”.
Bu sözləri Ədliyyə Nazirliyinin 2020-ci ilin yekunlarına həsr olunmuş onlayn mətbuat konfransında Ədliyyə Nazirliyinin Cəzaların icrasına nəzarət üzrə müfəttişliyin rəisi Malik Ələkbərov deyib.
O bildirib ki, bütün cəzaçəkmə müəssisələrində pandemiya ilə bağlı ciddi tədbirlər görülüb:
“Məhkumların hətta 25 faizi təkrar yoxlamalardan da keçirilib. Koronavirusa qarşı mübarizə tədbirləri nəticəsində hər şeyə ciddi nəzarət olunur. Hələ ki, heç bir ciddi narahatlıq qeydə alınmayıb”