Son Xəbər: Zelenski Trampla danışıqlardan öncə Kanadanın Baş naziri ilə görüşəcək, Şahbuzda avtomobil qaz xəttinə çırpılıb, 450 nəfər qazsız qalıb, KİV: Türkiyə yanvarın 1-dən Ermənistanla sərhədi qismən açmağa hazırdır, Küləkli hava şəraiti ilə bağlı sarı xəbərdarlıq verilib, Sabah Bakıda yağış və sulu qar yağacaq, güclü külək əsəcək, Mədəniyyət Nazirliyinin tabeliyindəki şirkətin rəhbərliyi dəyişib, KİV: İranla Şimali Koreya arasında şübhəli maliyyə əməliyyatları aşkarlanıb, Gürcüstanda Ukrayna vətəndaşlarına sosial yardımın müddəti uzadılıb, DİN bayramda azad olunan ərazilərə səfərə çıxanlara müraciət edib - VİDEO, Rusiya Kiyevə və ətraf bölgəyə kütləvi hücumlar edib, xəsarət alanlar var,

Protezlə təmin olunan Vətən müharibəsi qazilərinin sayı AÇIQLANDI

Tarix: 3-02-2021, 13:24

2020-ci il ərzində 11 344 əlilliyi olan vətəndaş 35 min protez - reabilitasiya vasitəsi ilə təmin edilib. Bu isə 2019-cu ilin nəticələrinə nəzərən 17 faiz çoxdur.

Bunu Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyinin (DTSERA) sədri Cavid Əbdül-Qədirov deyib.

O bildirib ki, Azərbaycan Respublikasının ərazi bütövlüyünü müdafiə edərkən əlil olan şəxslər yüksək texnologiyalı protezlərlə təmin edilir və bundan sonra da ediləcək:

“Bütün bu hallara baxılması üçün sağlamlığında məhdudiyyət olan şəxslərin hər biri individual olaraq agentliyin reabilitasiya müəssisələrinə cəlb olunacaq. Əlilliyi olan şəxslər ehtiyac yaranarsa, 2021-ci ildə mühərrikli arabalar ilə də təmin olunacaqlar”.

Agentliyin sədri əlavə edib ki, artıq Vətən müharibəsi zamanı yaralanmış vətəndaşlardan ehtiyacı olan yeddi hərbçi yüksək texnologiyalı müasir protezlərlə, 9 nəfər təkərli araba ilə təmin edilib və ümumi reabilitasiya vasitələrinin sayı 1 221-dir.

C.Əbdül-Qədirov qeyd edib ki, Əmək və Əhalinin Sosial Müdafiə Nazirliyinin nümayəndələri 8 mindən yuxarı ailəni ziyarət edib, onların sosial-məişət və tibbi ehtiyaclarını öyrənib.