Son Xəbər: KİV: İsrail bir müddətdir Qahirədə HAMAS liderlərini öldürməyə cəhd göstərir, Xüsusi nümayəndələr Ermənistan-Türkiyə normallaşma prosesini müzakirə edib, Yeni tədris ilində Bakıda 505 mindən çox şagird təhsil alacaq, Rusiya Azərbaycan və Ermənistandan "3+3" formatında görüş üçün əməli addımlar gözləyir, Kreml: Rusiya və Ukrayna arasında danışıqlarda fasilə yaranıb, Şənbə günü yağış yağacaq, şimşək çaxacaq - PROQNOZ, Elm və təhsil naziri: İbtidai təhsildə, dərsliklərdə problemlər var, Azərbaycanın sərbəst güləşçisi: "Dünya çempionu olmaq üçün əlimdən gələni edəcəyəm", Şahzadə Harri Kiyevə gözlənilməz səfər edib, Gürcüstanda Azərbaycanla sərhəddə zəlzələ olub,

Hoteldə arvadını 18 bıçaq zərbəsi ilə öldürənin məhkəməsi başlayır

Tarix: 5-02-2021, 10:34

Bakıda arvadını qəsdən öldürməkdə təqsirləndirilən Murad Şamilovun cinayət işi üzrə ibtidai istintaq başa çatıb.

“Report” xəbər verir ki, Bakı Ağır Cinayətlər Məhkəməsinə göndərilən iş hakim Azər Paşayevin icraatındadır.

Qeyd edək ki, hadisə ötən il Biləcəri qəsəbəsi, Mehdi Hüseynzadə küçəsində yerləşən “Salt” hotelində baş verib.

Sentyabrın 3-də gecə saat 02.00-da 1982-ci il təvəllüdlü Murad Şamilov həyat yoldaşı, 1985-ci il təvəllüdlü Şahanə Şamilovaya 18 bıçaq xəsarəti yetirib.

Qadın hadisə yerindəcə ölüb və kişi polisə gedərək törətdiyi əməli etiraf edib.

Məlum olub ki, cütlük ayrı yaşayıb. Şahanə Şamilova boşanma üçün məhkəməyə müraciət edib.

Qətl hadisəsindən əvvəl Murad Şamilov ona zəng vurub və boşanma ilə bağlı danışmaq üçün “Salt” hotelində görüş təyin edib. Qadın onun təklifini qəbul edib və görüş faciə ilə bitib.

Onların iki azyaşlı övladı var.

Murad Şamilov barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə ittiham verilib.