Son Xəbər: Ceyhun Bayramov NATO rəsmisi ilə enerji təhlükəsizliyi və regional prosesləri müzakirə edib, İran XİN: Hörmüz boğazından keçid minalara görə məhdudlaşdırıla bilər, İlham Əliyevin Türkiyəyə işgüzar səfəri ilə bağlı paylaşım edilib, İshaq Dar: Şahbaz Şərif Antalyada Ərdoğanla səmərəli danışıqlar aparıb, Başlıbel qətliamından 33 il ötür, Yol polisi əlverişsiz hava şəraitində yollardakı vəziyyətlə bağlı sürücülərə müraciət edib, Kişi voleybolçular arasında Azərbaycan Yüksək Liqasının qalibi müəyyənləşir, Qalibaf Trampı 7 yalan danışmaqda ittiham etdi, Mambetaliyev: Azərbaycan VI Ümumdünya Köçəri Oyunlarında iştirak edəcək, Buraxılış imtahanında üç nəfər maksimum nəticə əldə edib,

Azərbaycan və Türkiyə diasporları tarixi birgə araşdırır

Tarix: 24-02-2021, 09:56

2018-ci ildə "Diasporla iş sahəsində əməkdaşlığa dair anlaşma Memorandum"u imzalayan Diasporla İş üzrə Dövlət Komitəsi və Türkiyənin Xaricdə Yaşayan Türklər və Əqrəba İcmaları İdarəsi eyni coğrafiyanı bölüşən, eyni mədəniyyəti və tarixi olan, eyni dildə danışan xalqlarımızın diasporlarının da birgə platformalar əsasında daha çox bir araya gəlməsi istiqamətində mühüm addımlar atır.
Bu gün keçiriləcək “1915-ci il hadisələrini və 1992-ci il Xocalı soyqırımını anlamaq” mövzusunda birgə onlayn konfrans da bu qəbildəndir.
Konfransda Diasporla iş üzrə Dövlət Komitəsinin sədri Fuad Muradov, Xaricdə Yaşayan Türklər və Əqrəba İcmaları İdarəsinin rəhbəri Abdullah Eren, eləcə də tanınmış alimlər və 30-a yaxın ölkədən 100-dən çox diaspor gənci iştirak edəcək.
Görüşdə Azərbaycan və türk diaspor gənclərinin sualları da cavablandırılacaq.
“Bir millət, iki dövlət” prinsipi əsasında möhkəmlənən Azərbaycan Türkiyə münasibətləri diaspor hərəkatı müstəvisində Azərbaycan Respublikasının Prezidenti İlham Əliyevin “bir millətin iki diasporu ola bilməz” fikri əsasında inkişaf edir və iki qardaş ölkənin diaspor təşkilatları yaşadıqları ölkələrdə də bu meyarlara söykənərək əməkdaşlıq edirlər.