Son Xəbər: Zelenski Trampla danışıqlardan öncə Kanadanın Baş naziri ilə görüşəcək, Şahbuzda avtomobil qaz xəttinə çırpılıb, 450 nəfər qazsız qalıb, KİV: Türkiyə yanvarın 1-dən Ermənistanla sərhədi qismən açmağa hazırdır, Küləkli hava şəraiti ilə bağlı sarı xəbərdarlıq verilib, Sabah Bakıda yağış və sulu qar yağacaq, güclü külək əsəcək, Mədəniyyət Nazirliyinin tabeliyindəki şirkətin rəhbərliyi dəyişib, KİV: İranla Şimali Koreya arasında şübhəli maliyyə əməliyyatları aşkarlanıb, Gürcüstanda Ukrayna vətəndaşlarına sosial yardımın müddəti uzadılıb, DİN bayramda azad olunan ərazilərə səfərə çıxanlara müraciət edib - VİDEO, Rusiya Kiyevə və ətraf bölgəyə kütləvi hücumlar edib, xəsarət alanlar var,

"Ziya Kazımov həbsdən çıxanda ilk olaraq əsgərlərini soruşdu"

Tarix: 25-02-2021, 09:04

Xəbər verdiyimiz kimi, Vətən Müharibəsi iştirakçısı, mayor Ziya Kazımov ev dustaqlığına buraxılıb.

Mediabiz.az xəbər verir ki, zabitin həbsdən buraxılması ilə bağlı onun vəkili Bəhruz Bayramov feysbuk hesabında paylaşım edib.
Vəkil bildirib ki, Ziya Kazımov həbsdən çıxanda ilk olaraq əsgərlərini soruşub:

"1 saylı İstintaq Təcridxanasına gedərək, Ziya Kazımovu gətirməyə qərar verdik. Bəzi prosedur qaydalar həyata keçiriləndən sonra Ziya Kazımov təcridxanadan buraxıldı. Ziya üç aydır ailəsi ilə əlaqə saxlaya bilmir, telefon qadağası var idi.

Biz elə fikirləşirdik ki, ilk sualı ailəsinin vəziyyəti haqqında verəcək. Amma yanılmışdıq. Çıxandan sonra ilk sualı bu oldu: görəsən, mənim hərbi hissəm hardadır, zabitlərim və əsgərlərim harda xidmət edir?"

Qeyd edək ki, Ziya Kazımov Şuşa ətrafındakı yüksəkliklərin alınması zamanı mərmi partlayışı nəticəsində kəllə-beyin travması, kəskin yaddaş itkisi və xırda yanıqlar (sol ayaq, sağ və sol əl barmaqlarında) alaraq, şəxsi heyəti tərəfindən döyüş sahəsindən çıxarılıb, hospitala təxliyyə edilib. Mayor Z.Kazımov 9 noyabr 2020-ci il tarixində hospitala qəbul olunduğu gün Bakı Hərbi Məhkəməsinin qərarı ilə həbs olunub.