Ötən il dünyada öldürülən jurnalistlərin sayı açıqlandı

Tarix: 15-03-2021, 10:00

2020-ci ildə dünyada 65 jurnalist qətlə yetirilib.

Bu barədə Jurnalistlərin Beynəlxalq Federasiyası təşkilatının hesabatında bildirilir.

Bu, 2019-cu il ilə müqayisədə 17 nəfər çoxdur. Ötən il jurnalistlər üçün təhlükəli ölkə Meksika və Əfqanıstan hesab olunub. İl ərzində hər iki ölkədə 10 jurnalist qətlə yetirilib.

Bundan başqa, Suriya, Hindistan və Pakistan da jurnalistlər üçün təhlükəli ölkələr siyahısına salınıb.

Hesabatda bildirilir ki, 1990-cı ildən bu günədək dünyanın müxtəlif ölkələrində 2680 media nümayəndəsi öldürülüb.