Son Xəbər: Tərtər məktəbliləri arasında dava - 1 nəfər öldü, Bu gün Çempionlar Liqasında ilk finalçı müəyyənləşəcək, Gənc nəsil üçün yeni imkanlar açılır - Emin Əmrullayev, Bayden və II Abdullah Yaxın Şərqdəki vəziyyəti müzakirə ediblər, Türkiyə ordusuna bənzər orduların yaradılmasına kömək xahiş olunur - Nazir, Külək güclənəcək, yağış yağacaq - Xəbərdarlıq, Putin Paşinyanla görüşəcək, Azərbaycanla Ermənistan arasında 40 sərhəd dirəyi quraşdırılıb, Azərbaycan və Slovakiya strateji tərəfdaşlıq haqqında Bəyannamə imzalayacaq, Qəzada ölən qadın yenicə direktor vəzifəsindən azad edilibmiş - Foto,

SON DƏQIQƏ! Türk Ordusu düşmənə ağır zərbə endirdi

Tarix: 22-03-2021, 21:14

Suriyanın şimalındakı “Fərat Qalxanı” əməliyyatı zonasında 10 YPG (PKK-nın Suriya qanadı-red.) terrorçusu zərərsizləşdirilib. Oxu24.com xəbər verir ki, bu barədə Türkiyə Milli Müdafiə Nazirliyi məlumat yayıb. Qeyd olunub ki, terrorçuların yeri pilotsuz uçuş aparatları (PUA) vasitəsilə müəyyənləşdirilib. Məlumata görə, Türkiyə Silahlı Qüvvələri Kilis vilayətini hədəf alan terror aktına cavab verməyə davam edir. “Bu tədbirlər çərçivəsində 10 PKK/YPG terrorçusu İHA tərəfindən aşkar edilərək zərərsizləşdirilib”,- deyə nazirliyin açıqlamasında qeyd olunub.
Xatırladaq ki, Türkiyə Milli Müdafiə Nazirliyi martın 18-də Suriyadan atılan raketlərin Türkiyənin cənub-mərkəzi Kilis əyalətindəki səhra bölgəsinə düşdüyünü açıqlamışdı. Bu hadisədən sonra Türkiyə Silahlı Qüvvələri PKK terrorçularının mövqelərinə cavab zərbələri endirib, nəticədə 20-dən çox hədəf məhv edilib və çox sayda terrorçu zərərsizləşdirilib. Cavab atəşi zamanı yalnız atəş mövqeləri deyil, həm də terrorçuların nəzarətində olan Təl-Rifyatdakı mövqelər də hədəf alınıb. Qeyd edək ki, ABŞ və Avropa Birliyi PKK-nı terror təşkilatları siyahısına daxil edib. Suriyada PKK terrorçuları PYD və YPG adlarının arxasında gizlənir və son illərdə özlərini “Suriya Demokratik Qüvvələri” adlandırırlar. İranda isə PKK, PJAK adı altında fəaliyyət göstərir.