Son Xəbər: Goranboydakı cinayətin TƏFƏRRÜATI, Qızılağac Milli Parkının ərazisində yanğın olub, Kamçatkada 7,1 bal gücündə zəlzələ olub, sunami təhlükəsi elan edilib, Mirzoyan Türkiyənin xüsusi nümayəndəsi Serdar Kılıçla görüşüb, KİV: İsrail bir müddətdir Qahirədə HAMAS liderlərini öldürməyə cəhd göstərir, Xüsusi nümayəndələr Ermənistan-Türkiyə normallaşma prosesini müzakirə edib, Yeni tədris ilində Bakıda 505 mindən çox şagird təhsil alacaq, Rusiya Azərbaycan və Ermənistandan "3+3" formatında görüş üçün əməli addımlar gözləyir, Kreml: Rusiya və Ukrayna arasında danışıqlarda fasilə yaranıb, Şənbə günü yağış yağacaq, şimşək çaxacaq - PROQNOZ,

Universitetlərdə vaksin vurulan təhsil işçilərinin faiz nisbəti açıqlandı

Tarix: 5-04-2021, 20:37

31 mart tarixinə olan göstəricilərə əsasən, ali təhsil müəssisələri arasında ilk olaraq ADA Universitetinin 50 yaşdan yuxarı pedaqoji və texniki heyətinin vaksinasiya prosesi artıq yekunlaşıb.

Bu barədə təhsil naziri Emin Əmrullayev sosial şəbəkə hesabında paylaşım edib.

Nazir bildirib ki, Sumqayıt Dövlət Universiteti (98.2 faiz), Azərbaycan Universiteti (93.7 faiz), Bakı Avrasiya Universiteti (91.6 faiz), Bakı Ali Neft Məktəbi (87.7 faiz) və Mingəçevir Dövlət Universitetinin (87 faiz) heyəti də bu prosesi yekunlaşdırmaq üzrədir:

“Təhsil Nazirliyi olaraq bu ali təhsil müəssisələrinin rəhbərliyinə və kollektivinə təşəkkür edirik.

Öyrənmə prosesinin davamlılığını təmin etmək və təhsil müəssisələrinin ənənəvi fəaliyyətini bərpa etmək üçün vaksinasiya əsas şərtdir”.

Qeyd edək ki, bu gündən etibarən yaşından asılı olmayaraq, bütün təhsil işçilərinin vaksinasiyasına başlanılıb.